30 верасня 1892 года нарадзілася беларуская паэтка Зоська Верас. Яна пісала як добрыя, рамантычныя вершы для дарослых, так і вершы для дзяцей. З апошнімі вы абавязкова пазнаёміцеся на ўроках дзіцячай літаратуры. Прапануем верш для дарослых, пра каханне.
Верш прысвячаецца ўсім, хто так і не рашаецца напісаць сваім любімым, прызнацца ў каханні. Рашайцеся, шляхоў зрабіць гэта шмат.
Хацела да цябе напісаці
На пялёстку ружы пахучай,
Але пялёстак мог згінуць
У пору буры грымучай.
Хацела да цябе напісаці
На скрыллі у матылёчка,
Але матыль умірае,
Як прыйдзе цёмная ночка.
Хацела я ліст паслаці
Праз ластаўку з нашага дома,
Але ж яна магла даці
Яго каму-небудзь другому.
І так дзянёчкі праходзяць…
Не маю яго як паслаці,
А ліст такі ўжо сардэчны
Хацелася напісаці.
|